حمايه شبكه الويرلس من الاختراق

ازاى تقدر تحمى شبكتك من الاختراق او السرقه او الهكر ؟

الاجابه بكل سهوله جدا من غير مايكون عندك خبره فى الاكترونيات وخبره فى ضبط الشبكات ولكن الامر يتطلب منك شويه تركيز معانا بس مش هناخد من وقتك اكتر من خمس دقائق وهيكون عندك شبكه مؤمنه يستحيل اخترقها  .يجب عليك عمل بعض  الخطوات  وهى

1- غلق خاصيه wps

هذه الخاصيه مهمة لان بسبب هذه الخاصيه يتم اختراق 60%من الشبكات بالبرامج المخصصه لتلك الخاصيه فيجب عليك قفلها

حتى لا يتم اختراق شبكتك

 

2- عمل كلمه سر قويه

عن طريق عمل كلمه سر قويه جدا مكونه من رموز مثل الموز دى *&^%$#@  وحروف كبيره وصغيره Aa Bg

وارقام

وبذلك يصعب على اى شخص او برنامج استنتاج او تاليف كلمه السر الخاصه بيك .

3-إخفاء اسم الشبكة

إخفاء اسم الشبكه بحيث عند عمل بحث لا يظهر اسم الشبكه . وبذلك لن يعرف احد ان هنا شبكه نت  فيقوم بمحاوله كسرها.

وبكده اى حد عايز يشتغل نت هتعمله اضافه شبكه جديده وتكتب اسم الشبكه والباسورد يدوى . وهذه الخاصيه أنا شخصيا لا افضلها

لانك لو قمت بعمل ذلك مع شخص غير امين  يبقى انت كده بتقول له خد اسم الشبكه والباسورد اهم  خدهم وزعهم  أنا لا ارى ان هذه الخاصيه اكثر امان  ولكن فعلا هى عمليه من عمليات الامان .  تكفى انها تمنع كل من هو لا يعرف اسم الشبكه من البحث عليها.

4- غلق خاصيه DHCP

ايه هى خاصيه DHCP هى السؤوله عن عنوان الايبى  الذى يخرج من الجهاز الى الاجهزه التى تتصل بالروتر .هى البوابه المسؤوله عن توزيع النت  للاجهزه لكل جهاز رقمه الخاص  بة مثلا اذا كان ايبى الروتر الخاص بك هو   192.168.1.1  كده  كل جهاز يتصل على الروتر لازم هيكون بنفس الرقم  مع اختلاف  الرقم الاخير فقط  .بيكون الارقام من 2 الى 254  ياعنى لو عندك جهازين او ثلاثه متصلين هتلاقى الايبى بتعهم  مثلا 192.168.1.254

                                                                  192.168.1.116

                                                                  192.168.1.14

كل الارقام متكرره الا الرقم الاخير هو ده الرقم الخاص بالجهاز المتصل .ياعنى لو قمت بتغير  الايبى الاساسى للروتر الى  ايبى غير متوقع  . مثل 50.1.5.1  وقفلت الخاصيه دى  بكده اى حد هيتصل على الشبكه ومعاه الباسورد هيكتب له جارى الحصول على عنوان ايبى فقط .  ويبقى على ذلك ولان ولم  يتم الدخول على النت اللا لما تقوم بكتابه عنوان الايبى يدوى .وبكده تكون  امنت الشبكه من الاختراق .

ولكن هذه الطريقه مثل الطريق الثانية هى اقل امان .

معلومه هامه جدا

لماذا الخاصيه الثانيه والثالثه اقل امان ولا افضلهم؟

لان الان فيه بعض الاجهزة يمكن بكل سهوله اظهار اى رقم سرى لى اى شبكه اتصلت بها  مجرد ان التليفون يربط بس على الشبكه يقوم صاحب التليفون باظهار الباسورد  يبقا انت معملتش حاجه غير انك قللت من اختراق الشبكة ولكن بقى انك ممكن ان يقوم شخص غير امين يستغل صداقتك ويستخدم الشبكه ويظهر الاسم والباسورد ويقوم بتوزعها على اصحابه .ولكن الحل الافضل والاحسن والاقوى فى الخطوه الرابعه وهى ان شاء الله سوف تغنيك عن كل هذة الخطوات

4- الماك فلتر

تحدث ولا حرج على هذة الخاصيه  .قل ما تشئ عنها  فهى الاكثر امان من كل الطرق التى ذكرناها ويمكنك تشغيل شبكتك من غير باسورد مع هذة الخاصيه  .انت بتقول ايه  من غير باسورد ياعنى مفتوحه للكل  كده ؟ ايوا عادى وماتخفش من اى حاجه ولا من اى حد .

الخاصيه دى كفيله انها تحمى شبكتك من الاختراق.

خاصيه الماك فلتر دى خاصيه مسؤوله عن حاجتين  اثنين .

 الاولى أنها تسمح فقط للاجهزه التى تقوم بتسجيلها على الروتر باستخدام النت . واى جهاز غير هذة الاجهزه لن ولم يتم توصيل  النت له.

الثانيه وهى بأنها لا تسمح فقط للاجهزه التى قمت بتسجيلها على الروتر باستخدام النت . واى جهاز غير هذة الاجهزه يستخدم النت عادى جدا.

وبذلك تكون امنت شبكتك جدا من غير تعب ولا خوف من اى حد يحاول يخترق الشبكه  او اى حد اخد منك الباسورد.

ملحوظه هامه

ادخل الاجهزه الاول قبل تفعيل الخاصيه فى حاله تشغيل خاصيه السماح فقط .  على الاقل لابد من ادخال الجهاز الذى تستخدمه الاول قبل تشغيل الخاصيه حتى تتمكن من استخدام النت والتحكم بالروتر .